وقال محمد البدري مؤسس ومؤطر الورشة لنساء من المغرب
“من خلال موقع مجلتكم أطلب من كل الشباب الموهوبين في جميع المدن المغربية المشاركة معنا في هذه المبادرة والتي نرفع فيها شعار هدفنا هو جعل من الفن أداة للتحسيس والتشبت بالحياة و من اهتمامات الورشة باكتشاف المواهب الشبابية والتكوين المسرحي والتي بدأت منذ أكثر من ست سنوات بمدينة القنيطرة وقدمت للفن المغربي عدد لا بأس به من المواهب الشابة والتي حظيت بمشاركات في أعمال مغربية وأجنبية , لذلك قررنا من خلال الورشة الإعلان عن مونولوج بعنوان “يوميات كورونا” ومطلوب من كل شاب يري في نفسه موهبة التمثيل أو يرغب في تطوير موهبته أن يسجل الفيديو بشكل فردي ويرسله لنا عبر صفحة ا لورشة على الفيس بوك لنقوم بنشرها وبالتالي تقييمها من خلال جمهور المتابعين لنا “.
نص المونولوج
شوف شوف بنت الحرام هذيك كرونا وخوها كوفيد, مبرعين لي فالشارع تيديروا البولفار بوحدهم … شوف كيف تيطلوا على الديور والحوانت والمكازات … ايوا بعد والمشيا بالبوزات … شوف على جرا كيف تتجر خوها كوفيد … باين الزغبي عيا .. ..ولكن أنا والله تنحرم عليها جوها … هانا من مور الزاج غادي نعطيها علاش تتقلب …
اسمعي هديك كرونا ..انت ولا هداك خوك المعقب ديال كوفيد … ايه معاك … علاه كاين شي واحد فالزنقة من غيرك … مالي ايوا هاك على مالي .. يميل حالك ويقطع جدورك ان شاء الله … على هاد الحالة اللي وصلتينا ليها …
اسمعي نكولك راه ماعندك ماتصوري منا … هاانتي شفتي كلشي مطرق مسدود … الحمد لله متبعين التعليمات ماكاين لاخروج لادخول ..ببابنا وشراجمنا مسدودين … ماعندك منين تدخلي … أش تتكول هداك المفعوص د كوفيد? .. الا خرج شي واحد يتقضى …؟ زعما تلصق فيه …. سمع أوليدي كولش عرف الحيلات ديالك … وأي واحد خرج تيدير احتياطاتو … يتقضى ولا يقضي غرضو بالزربة ..مايسلم على حد يخلي المسافة بينو وبين لاخر ..ومايقيص تاحجة يمكن تأديه … سمعتي ومنين يرجع … تنوجدو المعقم فالباب وكلشي تيتغسل … ايوا نزيدك ولامازال …
شوفي غير ماتعييش راسك وتكلسي حاضينا ..راه احنا مانعياوش وانت تعيياي, هادوا المغاربة وأجرك على الله ..ايوا غبري وجري معاك هداك البرهوش دخوك كوفيد وماتعاودوش دورو عندنا هنا
