وقال البدري لنساء من المغرب “إثر تقديم المجموعة الأولى من المترشحين و نظرا للتفاعل الجيد للمتابعين واحتضان مجلة نساء من المغرب لهذه البادرة فقد تقرر أن تصبح هذه التظاهرة تحت اشراف المديرية الجهوية لوزارة الثقافة والشباب والرياضة بجهة الرباط سلا القنيطرة وتم تكوين لجنة من كبار الممثلين المغاربة الذين قبلوا مشكورين بتنقيط المشاركين عن بعد وهم: الفنان ادريس الروخ, الفنانة لطيفة أحرار, الفنان محمد الشوبي, الفنان فريد الركراكي, الفنانة زهور السليماني, الفنان عبد الحق مجاهد, الفنانة سعاد العلوي, الفنانة بدرية عطا الله والإعلامي إدريس اليعقوبي وبناء عليه سوف يستمر تقديم باقي المشاركات المحلية والجهوية والوطنية ابتداء من يوم الاثنين 20 أبريل 2020 لأي شخص ويمكن تشخيص المونولوج وارساله الورشة الى عبر صفحة الفيس بوك وأنا بدوري أقوم بنشرها عبر صفحتي الشخصية “.
نص المونولوج
شوف شوف بنت الحرام هذيك كرونا وخوها كوفيد, مبرعين لي فالشارع تيديروا البولفار بوحدهم … شوف كيف تيطلوا على الديور والحوانت والمكازات … ايوا بعد والمشيا بالبوزات … شوف على جرا كيف تتجر خوها كوفيد … باين الزغبي عيا .. ..ولكن أنا والله تنحرم عليها جوها … هانا من مور الزاج غادي نعطيها علاش تتقلب …
اسمعي هديك كرونا ..انت ولا هداك خوك المعقب ديال كوفيد … ايه معاك … علاه كاين شي واحد فالزنقة من غيرك … مالي ايوا هاك على مالي .. يميل حالك ويقطع جدورك ان شاء الله على هاد الحالة … اللي وصلتينا ليها …
اسمعي نكولك راه ماعندك ماتصوري منا … هاانتي شفتي كلشي مطرق مسدود … الحمد لله متبعين التعليمات ماكاين لاخروج لادخول ..ببابنا وشراجمنا مسدودين … ماعندك منين تدخلي … أش تتكول هداك المفعوص د كوفيد? .. الا خرج شي واحد يتقضى …؟ زعما تلصق فيه …. سمع أوليدي كولش عرف الحيلات ديالك … وأي واحد خرج تيدير احتياطاتو … يتقضى ولا يقضي غرضو بالزربة ..مايسلم على حد يخلي المسافة بينو وبين لاخر ..ومايقيص تاحجة يمكن تأديه … سمعتي ومنين يرجع … تنوجدو المعقم فالباب وكلشي تيتغسل … ايوا نزيدك ولامازال …
شوفي غير ماتعييش راسك وتكلسي حاضينا ..راه احنا مانعياوش وانت تعيياي, هادوا المغاربة وأجرك على الله ..ايوا غبري وجري معاك هداك البرهوش دخوك كوفيد وماتعاودوش دورو عندنا هنا
