حيث كتب عبر حسابه بموقع “انستجرام” :”بسمة حببتي للاسف انتي مفكرتيش كويس و سلمتي ودنك لشر السوشيال ميديا عشان كان تعليق كلامهم فارغ نسوكي انك عرفتيني وانا مشهور ودي طبيعة شغلي الي عرفتيني عليها وحبيبتني بيها، أزاي وصلوكي للزعل والبعد فترة .. المهم انا مش هزعل منك ولا يرضيني زعلك انتي حبيبتي و ام ولادي .. انا ضهرك وسندك مهما حصل، بس اللي عايز اقوله لعل نكون سبب خير في توعية ناس كتير”.
وتابع :”ليه لما اي حد بيزعل من حد بيطلع يكتب عليه في السوشيال ميدي طب حتي يكلمه الاول ايه علاقة الناس بعلاقة شخصية بين اتنين ممكن تتحل في التليفون او في زيارة رحيمة ما بينهم وياريتها مشكلة اصلا.. ربنا جعل ما بينا مودة ورحمة عشان كدا للاسف انتي عرفى ان في ناس في طبيعتهم حب خراب البيوت ومش هنخلص منهم بس انتي اللي هتهلصي من فكرة انك تسمعيهم
وأضاف :”ياريتك تركزي مع طاقة الناس اللي دعولنا ودعوا لولادنا وفعلا انا بشكر كل الناس والفنانين اللى سعوا في الخير لينا.. وانا واثق انك دلوقتي زعلانة انك كتبتي كدة.. هو تصرف متهور منك بس ولا يهمك مش عيب ان الانسان يغلط ويتعلم وانا ياما علمتك ولسة هعلمك كان نفسي الكلام ده يكون بينا لكن انتي اشركتي الجمهور الكريم فكام لازم ارد هنا.. وبينا حب عالي وحياة كريمة وأولادنا و بيتنا أغلي ما فيها ربنا يخلينا ليهم ويخليهم لينا يارب.. متهورة بس بحبك”
يذكر أن هذه ليست المرة الأولى التي تصل فيها الخلافات بين تامر وبسمة لمواقع التواصل الأجتماعي حيث سبق وأن رد تامر عبر صفحته الشخصية على الفيس بوك على وثيقة مسربة تؤكد زواج بسمة من زميلها السابق الأردني يحيي الصويص في برنامج ستار أكاديمي في لبنان وذلك قبل زواجها من تامر وقال “”هذه إفادة من المحاكم الشرعية السنية بالجمهورية اللبنانية التي تؤكد أن الوثيقة التي تم تداولها في الفترة الأخيرة لزوجتي مزورة وغير حقيقية، وللأسف في ناس كتير صدقتها بسبب اتحاد بعض الجرائد والمواقع معدومة الضمير على نشر وثيقة زواج مزورة و ملفقة دون التأكد من صحتها والسماح لنفسهم بالخوض في أعراض الناس و حياتهم الشخصية بمنتهي الوضاعة والافتراء.”
وتابع حسني بالقول: “لم ولن اتنازل عن حقي وحق زوجتي وأسرتي و لقد بدأت بالفعل مقاضاة من نشر هذه الوثيقة المزورة دون ضمير، لقد تعودت على الشائعات منذ ظهوري و بطبعي لا أرد عليها، و لكن هذه المرة مختلفة اختلافا جذريا و قسماً بالله لن اترك حقي و حق أسرتي.”
