قديش سلطت الضوء على تنين مليون بني آدم ومتين ألف
محاصرين إلهم اكتر من 17 سنة
يعني أجيال تولدت بهالوقت ما وعيت إلا على حروب وحصار وانقسام سياسي ( مقرف )
أكتر من 17 سنة بنموت على البطيئ
واليوم انكتب لعشرات االالاف موتة وحدة تريحهم من ظلم ومعاناة وقهر
الظروف والكهربا والمية
اليوم الناس عرفتنا واللوم علينا عشان متعودين نضغط ع الجرح ونمشي ما نقول اخخخخ
تعودنا فش كهربا نخترع بدائل
فش مواد نرضى بالقليل
ونسكت ونمشي الحياة
والله مشيناها بطلوع الروح
بالظلم والقهر
واليوم العالم سمع صوتنا
لما جوعنا واحتا الشبعانين بنخجل نحكي فش أكل ومية
والله بنخجل
وبردو الناس عايشة تخترع بدائل وتكمل
الناس بغزة صارو يطحنوا القمح ويعملو طحين وخبز
أول سؤال سألته لحالي من وين جابو قمح كيف خطر عبالهم
حرقوا شهاداتهم عشان يولعو نار
طر بسنوات العلم المهم نلاقي حل
وعملو إفران طينة من طين الأرض وخبزوا الخبزات
ومن علب السمنة الحديد عملو بيوت للنار وطبخو
مجانين شعب مجنون
كنت امشي بينهم ىاقول ما اسرع ما ندبر حالنا
فش خيام
دقوا خشب ونايلون وستروا حالهم
واخترعوا فيها حمامات
وفش مية لفوا كيلوات امتار وجابوا مية مالحة وشريوها
يعمي حلو مية اليحر وشربوها
فش حلو عملو مهلبية من المية والنشا وياعوها بقطر عسل ما تسالوني من وين جابو النشا لاني انا نفسي مش عارفة وشكلها زاكية
مشروع صغير تحت القصف المهم
شعب جبار مظلوم
اه والله
اللهم ارفع الظلم عن الغلابة والمساكين
