كشفت المطربة شيرين عبد الوهاب سبب حرصها على التفاعل مع دعم النجمة اللبنانية هيفاء وهبي بشكل خاص، رغم أن عدد كبير من النجوم قدم لها الدعم مؤخرا، وأكدت شيرين أن هيفاء حاولت مساعدتها في الأزمة الأخيرة، فعلت ما لم يفعله أقرب الناس إليها.
وقالت شيرين عبد الوهاب عبر حسابها على منصة X: أنا رديت على النجمة هيفاء وهبي مش عشان باركتلي على الأغاني النجمة هيفاء وهبي عملت معايا مواقف جدعة اقرب الناس ليا ما عملتهاش علشان نفسيتي تبقى أحسن، كانت بتكلمني يوميا عند الدكتور وكانت عاوزة تاخدني أقعد عندها وتخرجني ومودي يبقى حلو وتدخلني مكان يظبطولي الفيتامينات اللي في جسمي ويخسسوني
وتابعت شيرين قائلة: هيفا اثبتت ان الصديق الوفي مش لازم هو اللي جنبك ممكن يكون بعيد عنك، من أجدع وأنظف وأكرم الناس اللى شفتها فى الوسط الفني هيفا بموقفها ده اشترتني طول عمري وهفضل لحد ما أموت ممتنة ليها ولوقفتها معايا في الوقت ده.. الوقت اللي كنت فيه وحيدة وتعبانة ومكتئبة وبعيط وجت اطمنت عليا وحسستنى اني ليا اخت فعلا شكرا يا هيفا يا حبيبتي.
واختتمت شيرين التغريدة بقولها: وياريت ياريت فى مصر لو في مشاكل انا بناشد اى حد ان الست دى طيبة جدا جدا متستاهلش إلا كل خير.
يذكر أن هيفاء وهبي حرصت على دعم شيرين عبد الوهاب بعد طرح أغانيها الأخيرة ونشرت ستوري عبر حسابها على موقع “انستجرام”، تهنئ فيه شيرين على أغانيها الثلاثة الجديدة وهي “هنحتفل”، “اللي يقابل حبيبي”، “بتمنى أنساك”.
وكتبت هيفاء على “الأستوري”: “ألف مبروك حبيبي الي نور مكانه الصح والفراغ اللي محدش يعرف يملاه.. ألف مبروك حبيبتي شيرين”
